• كل المواضيع تعبّر عن رأي صاحبها فقط و ادارة المنتدى غير مسؤولة عن محتوياتها

رجال الأعمال في العالم ورجال الكساد في تونس

triumph

عضو
إنضم
11 مارس 2015
المشاركات
2.479
مستوى التفاعل
2.245
كلامك فيه الصحيح و فيه الغالط
الصحيح هو انه رجال الاعمال في العالم الكل يخدمو في الناس
و الغالط انه رجال الاعمال في تونس يستثمرو في تجارة السيارات و العقارات و يشعلو في النار

خليني نفهمك شوي حكايات في البزنس خويا الباهي و خوذهم من خوك بصدر رحب
رجال الاعمال في العالم الكلّ , يسعاو بش يستثمرو في المشاريع الي فيها ربح كبير على المستوى الوطني أولا , يعني حاجة مستهلكة و مطلوبة بكثرة و عليها اقبال كبير
و على المستوى العالمي ثانيا بحاجة نفس الشيء مستهلكة و مطلوبة بكثرة في الوقت هذاكا
رجال الاعمال في العالم النّامي الكل يستثمرو بنسبة كبيرة في السيارات و العقارات , علاش ؟ لانه الشعوب المستهلكة كيف شعبنا الكريم , يلهف على الحاجات هاذم و يعتبرهم هدف حياة اصل مش مجرد وسيلة بش يعيش بيها , ناس في بلادنا تخدم النهار و الليل بش تشري اكا الطرف حديد بالعجل يسوقوه و طرف ياجور يسكنو تحته.
نجيو لرجال الاعمال في العالم المتقدم , صدقني الكلهم يستغلو في البشر بطريقة انت ما تعرفهاش , خوذ مثال اي دولة تحب عليها , الصين ؟ اليابان ؟ الولايات المتحدة الامريكية ؟
الي تحب , و اعمل بحث باهي كيفاش يتم استغلال العملة في المصانع و يخدمو في 10 و 12 و 14 ساعة في اليوم مع اجور بخسة و متعيشش الحيوانات , لكن استغلالهم هذا دائما تحت اطار القانون , كيما استغلال رجال الاعمال في بلادنا بالضبط , الكلّه بما يُرضي "القانون" , و فما سميغ مي يطيحوش عليه و يقطعوك بالخدمة , هذا فقط مثال .
و تحب والا تكره , رجال الاعمال هاذم نفسهم يخدمو في الالاف في تونس و في كل دولة في العالم , باهي خلينا نقولو يستغلو فيهم مش يخدمو فيهم , لكنهم في النهاية يطيشولهم شوي فلوس.
ما تتصورش انه فما رأس مالي في الدنيا يخدمك و يعطيك شهرية ملاين كيف ما انت تحب , راك عايش في الدنيا مش الجنة
نجيو للسيارات و العقارات , السيارات في تونس ارتفاع الثمن فيهم مبالغ فيه بطريقة خايبة ياسر , اي شخص يحب يبيع سيارته فهو مستحيل يخسر فيها في نظره مهما يكون يلزمه يبيعها بسوم اكثر ملي شراها , نحكي على عامة الشعب مش على رجال الاعمال ,
يعني انت كمواطن تشري خردة 106 عمرها 20 سنة ب 12 مليون , تستعملها 5 سنين و تحب تبيعها ب 13 مليون او حتى بنفس السوم ؟ حقك انك تبيع بالي تحب , لكن هذا اول سبب يخلي اسعار السيارات تشعل فيها النار , قبل اي رجل اعمال مهما كان صفته

المشكل في الطمع الكبير لي موجود عند الشعب التونسي , رجل اعمال والا مواطن عادي الكل كيف كيف , الطمع فقط , اما الي يشري سلعة ب دينار و يبيعها ب خمسين دينار
متلوموش , لوم الشخص لي شرى منه و عاونه بش يزيد يغلي في السلعة

الدولة ما تنجمش تفرض عليك بقداش تبيع كرهبتك , يعني متنجمش تلوم الدولة في الحكاية هذه
اما

الحل الوحيد هو المقاطعة , كي الشعب يتعلم عقلية المقاطعة و يخمم في مصلحته لسنوات القدام , اتاو وقتها تشري السيارة لي تحبها بالسوم المناسب
السلام خويا شكرا على تفاعلك الموضوع متاعنا هو مقارنة بزنس رجعمل توانسة مع رجعمل الغرب طو تقارن بولينا بمجمع Henri Ford ولا سلسلة عزيزة بشركة iPhone شوف هوما قداش يدخلو فلوس ملخارج ورجال أعمالنا قداش يدخلو فلوس لتونس هذا هو الموضوع لولا إلى عندنا تزيد تنحيلك و تعطيهم الدولة
 

tn2017

عضو مميز
إنضم
26 أكتوبر 2016
المشاركات
932
مستوى التفاعل
1.349
المشكلة في القوانين علي المقاس في هل الحفرة مثل:
نحي ال FCR باش رجال الاعمال تدخل الكراهب و تلعب كيما تحب ...
رخص بيع الشراب علي المقاس ...
السياحة و السرقة ... دعم لا نهائي تنحي من زوالي و تصب لجماعة الوتلة

في الاخر رجل الاعمال هو رجل اعمال يحب الربح في تونس و لا البرة
 

بوقـرنين

نجم المنتدى
إنضم
3 أفريل 2019
المشاركات
2.987
مستوى التفاعل
5.357
رجال اهمال .
 

Rahmouucha

عضو مميز
إنضم
31 جويلية 2008
المشاركات
1.281
مستوى التفاعل
3.474
فما برشا تشيطين للرجال اعمال في تونس و وضعهم لكل فرد سلة ( خايبين سراق ياكلوا في تعب الناس...) و مقارنات غالطة مع رجال اعمال ثرزة متاعهم اكبر من ميزانية تونس

بحكم الخدمة متاعي نعرف بعض المجامع و الشركات التونسية و الغير تونسية و فيهم الباهي و فيهم الخايب

مثال شركة Coficab لمجمع اللومي وحدة من انجح الشركات التونسية و اليوم وحدة من عمالقة الكوابل في العالم و مفماش كرهبة مفيهاش كابل من عندهم و موجودة غي اربع قارات و هي مفخرة تونسية و الدولة لازم دعمها

 

triumph

عضو
إنضم
11 مارس 2015
المشاركات
2.479
مستوى التفاعل
2.245
فما برشا تشيطين للرجال اعمال في تونس و وضعهم لكل فرد سلة ( خايبين سراق ياكلوا في تعب الناس...) و مقارنات غالطة مع رجال اعمال ثرزة متاعهم اكبر من ميزانية تونس

بحكم الخدمة متاعي نعرف بعض المجامع و الشركات التونسية و الغير تونسية و فيهم الباهي و فيهم الخايب

مثال شركة Coficab لمجمع اللومي وحدة من انجح الشركات التونسية و اليوم وحدة من عمالقة الكوابل في العالم و مفماش كرهبة مفيهاش كابل من عندهم و موجودة غي اربع قارات و هي مفخرة تونسية و الدولة لازم دعمها

يعطيه الصحة خويا اللومي أما إنتي كي تشوف مصانع الشمعات والمضخات والديسكات متاع السيارات والمبرد والشوفاج والهواتف والعطور والدرجات إلى أخره وقداش تشغل من شخص و على 24 ساعة بدون توقف وقداش تصدر وتدخل فلوس لدولهم تقول أحنا ما عندناش رجال أعمال عندنا بهايم جاءعة
 

مواطن الغد

نجم المنتدى
إنضم
11 أكتوبر 2019
المشاركات
6.043
مستوى التفاعل
13.026
رجال الاعمال هم رجال الاعمال في العالم الكل ... عندهم شركات مش جمعيات خيرية و الشهرية يطيشها للخدامة ياخذ هو عشرات اضعافها لكن يستعبد الخدامة من 8 الى 12 ساعة يوميا في ظروف سيئة ووقتلي ماعادش حاجتو بيه يطردو و يمشي يحل في الصين يد عاملة ارخص و يخدمو حتى الصغار غادي ...
الفرق انو في تونس مافماش قانون رادع و التجاوزات تكون اكثر
 

triumph

عضو
إنضم
11 مارس 2015
المشاركات
2.479
مستوى التفاعل
2.245
رجال الاعمال هم رجال الاعمال في العالم الكل ... عندهم شركات مش جمعيات خيرية و الشهرية يطيشها للخدامة ياخذ هو عشرة اضعافها لكن يستعبد الخدامة من 8 الى 12 ساعة يوميا في ظروف سيئة ووقتلي ماعادش حاجتو بيه يطردو و يمشي يحل في الصين يد عاملة ارخص و يخدمو حتى الصغار غادي ...
الفرق انو في تونس مافماش قانون رادع و التجاوزات تكون اكثر
السلام عليكم الموضوع هو نوعية الإستثمارات والبزنس متاع رجال الأعمال التوانسة مقارنة بلغرب شيء لا يقارن
 

3ayachi

نجم المنتدى
إنضم
21 أوت 2009
المشاركات
1.636
مستوى التفاعل
3.175
alsou2al
فما برشا تشيطين للرجال اعمال في تونس و وضعهم لكل فرد سلة ( خايبين سراق ياكلوا في تعب الناس...) و مقارنات غالطة مع رجال اعمال ثرزة متاعهم اكبر من ميزانية تونس

بحكم الخدمة متاعي نعرف بعض المجامع و الشركات التونسية و الغير تونسية و فيهم الباهي و فيهم الخايب

مثال شركة Coficab لمجمع اللومي وحدة من انجح الشركات التونسية و اليوم وحدة من عمالقة الكوابل في العالم و مفماش كرهبة مفيهاش كابل من عندهم و موجودة غي اربع قارات و هي مفخرة تونسية و الدولة لازم دعمها

ما عنديش معلومات على القطاع متاع الكوابل.. و لكن هشام اللومي cappo العائلة هو نائب رئيسة UTICA الي هي مسؤولة عن استدامة منضومة الريع في تونس.. شبيه ما تكلمش ضد القوانين الاحتكارية الي قاعدة تضر في النسيج الاقتصادى؟؟ اكيد مستفيد
 

مواطن الغد

نجم المنتدى
إنضم
11 أكتوبر 2019
المشاركات
6.043
مستوى التفاعل
13.026
السلام عليكم الموضوع هو نوعية الإستثمارات والبزنس متاع رجال الأعمال التوانسة مقارنة بلغرب شيء لا يقارن

وعليكم السلام،
المشكل في تونس هو غياب القوانين الردعية و رجال الأعمال نافذين في السلطة و فيهم شكون اعضاء في الاحزاب الحاكمة ... هذاكا علاش التجاوزات تكون أكبر
 

Rahmouucha

عضو مميز
إنضم
31 جويلية 2008
المشاركات
1.281
مستوى التفاعل
3.474
يعطيه الصحة خويا اللومي أما إنتي كي تشوف مصانع الشمعات والمضخات والديسكات متاع السيارات والمبرد والشوفاج والهواتف والعطور والدرجات إلى أخره وقداش تشغل من شخص و على 24 ساعة بدون توقف وقداش تصدر وتدخل فلوس لدولهم تقول أحنا ما عندناش رجال أعمال عندنا بهايم جاءعة
السوق في تونس تبقى ديما صغيرة و ماتتسمى حتى شيء قدام السوق الاوروبية او الصينية
مثال دليس الي يتسمى اكبر منتج حليب في تونس شنية يجي قدام جهينة المصرية او المراعي السعودية !؟ لا مجال للمقارنة في الميزانية و الاستثمارات و لا حتى المرابيح

كيف كيف بطاريات اسد و نور رغم وصلوا منتوج محترم لكن نجموش ينافسوا الصينين الي في نفس الوقت منافس و مصدر للمواد الاولية يعني يتحكم فيك كيف مايحب

اصلا الاشكال هذا عالمي و حتى الاوروبين يعانيو من الصين ( مثلا Siemens عندها نفس المنتوج في الصين يتباع ب اقل من النصف ملي يتباع في خارج الصين بش تنجم تستحفظ على السوق الصيني ...)

لكن يبقى ديما فما رجال اعمال نافسو و نجمو يخرجو منتوج محتر وكبرو بيه كيما Somef الي اليوم يصدر لكامل افريقيا و بعض الدول الاوروبية و فما Vermeg الي ينافس في كبار اوروبا ....

نحالو ديما نذكروا الباهي و الغايب بش نكونوا واقعيين اكثر من السب و الشتم

مشكل التشغيل و الجرايات هذاكا الدولة تحلوا و رجل اعمال مهوش يعمل في الخير بش يصرف فلوسوا ايمين و ايسار ( انت غدوة كان يسهل عليك ربي في مشروع اول حاجة تعملها تنقص من المصاريف بش تربح اكثر )

الدولة هي الي تشرع القوانين و تراقب مش العكس
 
أعلى